Kryetarja e Lidhjes Demokratike të Gruas, Albana Vokshi ka reaguar lidhur me përplasjen e ndodhur sot në ambjentet e jashtme të selisë së Partisë Demokratike.
Përmes një postimi në rrjetin e saj social FB, Vokshi, shkruan se është e turpshme që të përdoren gratë nga shoqata Basha- Bardhi për të mbrojtur karrigen, ndërsa thekson se asgjë nuk e shpëton Lulzim Bashën nga vullneti i 4446 delegatëve të cilët e shkarkuan.
REAGIMI
“Komisioni i Rithemelimit të PD dënon me forcë aktet e dhunës verbale e fizike ndaj zonjave anëtare të Komisionit për Rithemelimin e PD dhe zonjave Kryetare të degëve dhe anëtare të LDGSH. PD eshte shtepia e lirise se cdo demokrati. Është e turpshme të keqpërdoren gratë nga Shoqata Basha – Bardhi, si mburojë njerezore për ruajtjen e karrikes. Nuk ka logore e mburoje njerezore që ta shpëtojë deputetin Basha nga vullneti i 4446 delegatëve të Kuvendit Kombëtar, kuvendit më spektakolar në historinë e pluralizmit politik në këto 30 vjet. Vullneti i 4446 anëtareve të Kuvendit Kombëtar që do të konfirmohet me referendumin e 18 dhjetorit, nuk do të mund të transformohet nga orkestra e cakorduar e Shoqatës Basha – Bardhi. Skenaret me vullnetarët e Lulzim Bashës do të denoncohen para ligjit dhe gjithë shqiptarëve dhe ideatorët dhe ekzekutuesit do të mbajnë përgjegjësi ligjore dhe morale. Komisioni i Rithemelimit të PD do vijojë punën e tij në ambjentet e selisë së PD, si shtëpia e të gjithë demokratëve”, shkruan Vokshi.
