“Arrestimi i Lefter Kokës është shumë pak”, deklaroi sot deputetja demokrate, Jorida Tabaku, sipas të cilës padia e PD në SPAK për aferën e inceneratorëve përfshin Kryeministrin Edi Rama, Kryebashkiakun Erion Veliaj, Sekretarin e Përgjithshëm të Këshillit të Ministrave Engjëll Agaçin, zv. Kryeministrin Arben Ahmetaj si dhe ish-ministrin Damian Gjiknuri.
Tabaku tha se PD e dënoncoi për herë të parë aferën e inceneratorëve në nëntor të vitit 2017.
“Pasi kishim analizuar të gjithë dokumentacionin për procedurën e inceneratorit të Elbasanit dhe të Fierit në atë kohë. Në shkurt të vitit 2018 unë bëra një interperlancë me Ministrin e athershëm të Infrastrukturës dhe Energjisë, Damian Gjiknuri, por kjo nuk përfshinte vetëm atë ministri por përfshinte njëkohësisht edhe Ministrinë e Mjedisit sepse ajo ishte inisiatorja për procedurën e parë të Inceneratorit të Elbasanit dhe njëkohësisht Ministrinë e Financave dhe 3 Bashkitë përkatëse. Ne kemi vazhduar dhe kemi denoncuar këtë aferë pa asnjë hezitim çdo ditë sa herë janë provuar akuza të reja. Raporti i KLSH ka një llogari të frikshme. Dhe, kur them të frikshme i referohem kryesisht kontratës së Tiranës për një kosto që i shkaktonte dëm buxhetit të shtetit prej 400 milionë euro”, tha Tabaku.
Pyetje: Z. Basha vetëm pak momente më parë komentoi arrestimin e Lefter Kokës, duke deklaruar se denoncimet e PD-së kishin qenë të drejta për çështjen e inceneratorëve. Ju drejtoni Komisionin për Inceneratorët. Në ç’pikë jeni?
Jorida Tabaku: Më lejo të falënderoj News 24 si një nga televizionet kurajoze që në betejën e vështirë për incveneratorët që ka qenë një betejë sa politike ashtu edhe mediatike, ka qenë ndër televizionet e vetme që ka reflektuar edhe mbledhjet e Komisionit Hetimor të Inceneratorëve. PD e dënoncoi për herë të parë aferën e inceneratorëve në nëntor të vitit 2017. Pasi kishim analizuar të gjithë dokumentacionin për procedurën e inceneratorit të Elbasanit dhe të Fierit në atë kohë. Në shkurt të vitit 2018 unë bëra një interperlancë me Ministrin e athershëm të Infrastrukturës dhe Energjisë, Damian Gjiknuri, por kjo nuk përfshinte vetëm atë ministri por përfshinte njëkohësisht edhe Ministrinë e Mjedisit sepse ajo ishte inisiatorja për procedurën e parë të Inceneratorit të Elbasanit dhe njëkohësisht Ministrinë e Financave dhe 3 Bashkitë përkatëse. Ne kemi vazhduar dhe kemi denoncuar këtë aferë pa asnjë hezitim çdo ditë sa herë janë provuar akuza të reja. Raporti i KLSH ka një llogari të frikshme. Dhe, kur them të frikshme i referohem kryesisht kontratës së Tiranës për një kosto që i shkaktonte dëm buxhetit të shtetit prej 400 milionë euro. Ndërkohë që nga ana tjetër, Raporti i Progresit të BE thotë që inceneratorët janë njëkohësisht edhe në shkelje të marrëveshjes së Stabilizim-Asociimit. Thënë kjo ne pothuajse për dy muaj kemi bërë betejë parlamentare për ta ngritur Komisionin Hetimor, dhe ndërkohë qe e ngritëm Komisionin Hetimor, një rezistencë e jashtëzakonshme për të marrë informacione, për të patur akses tek të dhënat, për të vërtetuar se paratë publike në fund të ditës, sepse për këtë po diskutojmë, paratë publike, i janë dhënë një personi që nuk kishte lidhje me inceneratorët Mirel Mërtiri dhe dy kompanie të tjera që zotërohen po nga i njëjti zotëri në Fier dhe Tiranë, i janë dhënë një kompanie që nuk kishte asnjë lidhje me incenerimin. Janë dhënë pa procedurë, janë dhënë në shkelje të ligjit, janë dhënë pa ndjekur asnjë nga rastet, Ligjin e Prokurimeve Publike por nga ana tjetër janë dhënë edhe me kosto të fryra. Shkeljet janë të panumërta, ashtu siç shkruhet në raportin e KLSH-së dhe ashtu siç ne jemi duke e provuar në Komisionin Hetimor për inceneratorët. Ne kemi mbyllur fazën e parë të punës të mbledhjes së informacionit, ndërkohë hezitimin më të madh, luftën më të madhe politike nga ana e maxhorancës, ne e kemi patur për të mos marrë informaci0onin. Për të mos parë se ku përfundojnë paratë. Për të mos dhënë akses tek mënyra se si fondet publike janë shpenzuar në rastin e inceneratorëve përveç procedurave të prokurimit. E kemi mbyllur këtë fazë të parë dhe në vijim do të vazhdojmë me planin e plotë të hetimit.
Pyetje: Ju si Komision, keni tagrin në përfundim të dërgoni dikë për ndekje penale, të kallzoni dikë penalisht?
Jorida Tabaku: Komisioni është një “cuasi Prokurori” dhe ka të drejtën që të gjithë dosjen e hetimit në përfundim të punimeve dhe jam e sigurt që nuk do të kemi dakordësi me palën tjetër për raportin përfundimtar, të dy raportet ne t’i dorëzojmë në SPAK për të vazhduar hetimin. Nëse sot kemi një arrestim të Lefter Kokës, që është pak në fakt, nuk është shumë, është sepse PD ngriti një çështje për inceneratorët. Qëndroi konsisente në të. Bëmë edhe një padi në SPAK. Ky arrestim vjen pas padisë së PD-së. Padia jonë nuk përfshinte vetëm Lefter Kokën, përfshinte kryeministrin Edi Rama, Sekretarin e Përgjithshëm të Kryeministrisë, dy ministrat të tjerë, Damian Gjiknurin dfhe Arben Ahmetaj dhe 3 kryetarë bashkie. Ne kemi dorëzuar padi të veçanta për secilën prej 3 inceneratorëve të Elbasanit, Fierit dhe Tiranës.
