Guvernatori i Kentakit reflektoi mbi “traumën e patregueshme” në shtetin e tij, teksa konfirmoi se tornadot e fundjavës kanë vrarë të paktën 64 banorë.
Viktimat varionin nga mosha prej pesë muajsh deri në 86 vjeç dhe vinin nga të paktën tetë qarqe të ndryshme, me 18 persona ende të paidentifikuar.
Guvernatori Andy Beshear tha të hënën se të paktën 105 persona mbeten të zhdukur dhe se më shumë vdekje mund të konfirmohen së shpejti.
Përpjekjet e kërkimit dhe shpëtimit kanë vazhduar në të gjithë Kentakin Perëndimor.
Punonjësit e urgjencës, duke përfshirë 300 anëtarë të Gardës Kombëtare, kanë pastruar mbeturinat për të mbijetuarit dhe kanë shpërndarë ujë dhe gjeneratorë për banorët.
Beshear tha se qentë po përdoren gjithashtu për të ndihmuar në kërkimin nëpër rrënoja, duke shtuar se “ne jemi ende duke gjetur trupa” në disa vende.
“Nuk po ja kaloj aq mirë sot dhe nuk jam i sigurt se sa prej nesh jemi,” tha guvernatori, dukshëm i emocionuar gjatë një konference për shtyp të hënën. “Njerëzit e Kentakit Perëndimor kanë kaluar një traumë të papërshkrueshme.”
“Shkatërrimi është ndryshe nga çdo gjë që kam parë në jetën time”, tha ai.
