Ndërkohë që përmbytjet kanë shkaktuar dëme të shumta në vend, Kryeministri Edi Rama poston në rrjetet sociale një video ku shfaqet ministrja e Bujqësisë, e cila ka shkuar në Qarkun e Vlorës e Fierit.
Vetë ministrja ka pohuar se uji ka përmbytur hektarë me toka bujqësore, ndërsa banesat janë zhytur nën ujë e janë shkaktuar dëme të mëdha në bagëti e materiale.
Disa familje që ndodheshin në zonën më të ekspozuar ndaj rrezikut janë evakuuar e të tjerë mes lotësh kanë braktisur shtëpitë e bagëtitë e tyre.
Por, Kryeministri Edi Rama, nga rrjetet sociale flet për kapacitete të burimeve njerëzore në terren, në ndihmë të banorëve, edhe pse situata për ta duket e pashpresë.
Postimi i Ramës:
🔴 Në terren me të gjitha kapacitetet dhe pa ndërprerje, në zonën e prekur nga dalja e Vjosës prej shtratit të saj, si pasojë e rreshjeve intensive.
*informon Ministrja e Bujqësisë dhe Zhvillimit Rural, Frida Krifca nga pika kritike e Urës së Mifolit
