Dy persona janë arrestuar në Korçë pasi po kalonin 11 emigrantë drejt vendeve të BE, në këmbim të parave.
Policia bën me dije se në pranga kanë rënë shtetasit K. P., 22 vjeç, banues në Maliq dhe M. I., 24 vjeç, banues në Korçë.
“Shërbimet e policisë kanë konstatuar në qytetin e Pogradecit, dy shtetasit e mësipërm, me mjetet e tyre tip “Jeep” dhe “Benz”, duke iu dhënë ndihmë 11 emigrantëve të paligjshëm, të cilëve iu kishin premtuar transportin kundrejt shpërblimit në drejtim të Tiranës dhe më pas drejt vendeve të BE-së.”- njofton policia.
Materialet në ngarkim të tyre i kaluan Prokurorisë së Rrethit Gjyqësor Pogradec për veprën penale “Ndihma për kalim të paligjshëm të kufijve”, kryer në bashkëpunim.
