Në mbledhjen e sotme të ‘Këshillit Kombëtar’ të thirrur nga Lulzim Basha, mesa duket kanë votuar edhe persona të tjerë të cilët nuk janë anëtarë të këtij institucioni.
Syri tv ka bërë publike një foto ku tregon se personi i cili ka votuar nuk ëhstë anëtar i këshillit Kombëtar.
Sipas Syri tv personi që shihni në foto është Feruz Pula, nga Zhulati Gjirokastër, i cili nuk figuron në listën e anëtarëve të Këshillit Kombëtar.
Ndërkohë që edhe ish-kryeministri Sali Berisha ka deklaruar sot gjatë një bashkëbisedimi me shqiptarët e Floridas në SHBA, se Lulzim Basha ëhstë braktisur nga anëtarët e Këshillit Kombëtar, dhe nuk e ka kuorumin.
Kujtojmë që Basha thirri ‘Këshillin Kombëtar’ me qëllim që të shkarkonte kreun e këtij institucioni Edi Paloka dhe disa anëtarë të cilët morën pjesë në Kuvendin Kombëtar të PD të zhvilluar një ditë më parë.
