Kryebashkiakja e Shkodrës, Volktana Ademi iu bashkua këtë të Shtunë Kuvendit të PD-së në Air Albania. Ademi u bëri thirrje demokratëve për bashkim për të rrëzuar qeverinë në pushtet, që e cilësoi “kastë që po keqqeveris vendin”.
“E lumtur që sot jam taku me qëndrestarë të palëkundur të PD që nga dhjetori 1990, ata që e mbështesin PD në shpirt. Po aq e lumtur që shoh të rinj e të reja dhe më mbushet zemra plot kur shof vajza e zonja pjesë e familjes sonë të madhe. Delegatët, mbështesit, simpatizantët janë palca kurrizore e PD. Ata mijëra demokratë që po na ndjekim përmes mediave, ata që kanë braktisur Shqipërinë për shkaqe që duhen kanë mbajtur dhe mbajnë peshën e PD”, tha Ademi.
Më tej, gjatë fjalimit të saj, përmendi arritjet e qeverisjes së PD si rrëzimi i komunizmit, anëtarësimi në NATO, liberalizimi i vizave, etj.
“Këto tetë vitet e fundit kemi shënuar rekorde negative. Mijëra shqiptarë po rrëshqasim në një diktaturë me pamje të rrejshme demokratike. Një gjendje katastrfofike në këto 8 vite”, tha Ademi.
“Si në 1990 histori thërret sërish në skenë PD, njerëzit me vullnet të lirë. Më 31 mars 1991 komunistët fituar zgjedhjet e zhvilluara, por një vit më pas PD mori 2-3 e votave duke shkëputur vendin nga diktatura. Sot gjendemi thuajse në të njëjtën situatë. Përmes tetë viteve qeveriset përmes vjedhjes së votës. Mbase duket e vështirë që kjo kastë të largohet, por në fakt ata janë të dobët, të pafuqishëm. Ne të gjithë bashkë e kemi një armë suksesin e së cilës e kemi provuar, bashkimin”, shtoi ajo.
