Ish-deputeti i Partisë Demokratike, Klevis Balliu, në fjalën e tij që ka mbajtur në Kuvend ka paralajmëruar Krydemokratin Lulzim Basha, duke thënë se ky i fundit do të përballet me të gjithë demokratët nëse tenton që të sulmoi njërin prej tyre.
‘Është një privilegj që jam këtu sot në një Kuvend historik, jo për nga data, por se është hera e parë që Kuvendin e mbledh firma dhe vula e çdo demokrati të PD. Ne sot jemi mbledhur këtu, sepse ish-kryetari vendosi të shesë kauzat tona te Edi Rama për interesat e tij personale. Kërkoi më pas të dëmtoi opozitarizmin duke goditur dhe duke përjashtuar Sali Berishën dhe mendoi se do ta kalonte, pasi mendoi se demokratët ndanin të njëjtat vlera dhe moral që ai ka. Por ishte e pamundur sepse demokratët ndajnë vlerat e themeluara nga sakrifica e Azem Hajdarit. Nëse Basha do të sulmoj një demokrat nuk përballet vetëm me të por do përballet me të gjithë demokratët në të katër anët e Shqipërisë’, tha Balliu.
Më tej ai u shpreh se demokratët bën të pamundurën që të bënin Kryeministër Lulzim Bashën, ndërsa shtoi se ky i fundit shiti të gjithë kauzat e tyre te demokratët. Ai tha se sot ka mbi 1 mijë të arrestuar demokratë që dolën në protesta në mënyrë që PD të merrte pushtetin.
‘Ka 1 mijë të arrestuar në protestat që janë bërë për të bërë Bashën Kryeministër dhe sot nuk ka asnjë fjalë për ta. Nëse doni të dini se kush e do vlerat euroatlantike ata janë këtu, ndërsa ata që përdorin Amerikën për interesat personale janë në muret e mbyllura të mbytura nga era e depresionit dhe vetmisë ku rrinë Lulzim Basha’, përfundoi Balliu.
