Kryeministri Edi Rama deklaroi këtë të Premte se procesi i rindërtimit në Kombinat do të zgjasë në kohë, por bonusi i qirasë do të vijojë.
“Kjo është zona ku do të ndërtohet një nga zonat më të mëdha të rindërtimit. Është një nga projektet më të mëdha, në mos më i madhi, ndaj duhet pak më shumë kohë se për ndërtimin e shtëpive individuale apo lagjeve më të vogla. Lagjja e re që do të ndërtohet këtu do të jetë njësoj si kjo shkollë, për nga impakti transformues. Të gjithë ata që janë në pritje për të hyrë në shtëpi, t’i bëjnë hallall të gjitha ditët e netët, që nuk kanë qëndruar jashtë, por që i kanë kaluar e do i kalojnë të gjitha ditët deri në fund në shtëpi me qira të paguara nga qeveria e Shqipërisë”, tha Rama.
Banorë të kësaj zone kanë protestuar në mënyrë të përsëritur, duke u shprehur se nuk kanë marrë garanci që do tu sigurohet një banesë deri në përfundim të procesit të rindërtimit.
