Një ish-ministër konservator në Britaninë e Madhe u shpall fajtor për përdhunimin e gruas së tij ish-deputete. Një gjykatës i padive civile arriti në përfundimin se Andreë Griffiths, 51 vjeç i bëri presion Kate Griffiths, deputete e Burton-upon-Trent për të kryer marrëdhënie seksuale,
Griffiths, një ish-deputet për qytetin Staffordshire përdori “sjellje shtrënguese dhe kontrolluese”. Në korrik 2018 ai dha dorëheqjen pasi u raportua se u dërgoi mesazhe “seksuale” dy votueseve të ti femra.
Ish-deputeti mohoi akuzat e bëra nga zonja Griffiths dhe “mohoi me vendosmëri” përdhunimin. Gjyqtarja Elizabeth Williscroft shqyrtoi një mosmarrëveshje midis zotit dhe zonjës Griffiths, të cilët tani janë të divorcuar, në një seancë private gjyqësore familjare në Derby.
Zonja Griffiths, 51 vjeçe, bëri një sërë akuzash kundër z. Griffiths dhe i kërkoi gjykatëses Williscroft të bënte gjetje të fakteve. Gjykatësi bëri gjetje në favor të zonjës Griffiths, por vendosi që ato të mos bëhen publike, në mënyrë që të mbrohet fëmija në qendër të proceseve gjyqësore familjare.
Një gjyqtar i Gjykatës së Lartë, megjithatë, vendosi që gjetjet e gjyqtarit Williscroft duhet të zbulohen, pasi u argumentua nga Press Association dhe Tortoise Media se ato ishin në interesin publik. Zonja Griffiths e kishte mbështetur masën, të cilën Griffiths ishte kundër dhe pranoi të përmendej në raportet e mediave, edhe pse viktimat e abuzimit seksual kanë të drejtën ligjore për anonimitet.
Duke folur pasi gjyqtarët e apelit vendosën se detajet mund të bëheshin publike, zonja Griffiths tha se ajo “e mirëpriti” vendimin pas një rasti që “kishte një dëm të madh emocional dhe financiar” në familjen e saj.
