Nga Sherefedin Shehu
Luli shtroi një drekë bamirësie për Kryetarët e PD-së dhe për mua bëri mirë. Shumica e tyre kane 9 vjet që nuk firmosin në asnje bordero dhe një drekë në Tiranë e ofruar nga Kryetari në ikje është e vlerësuar.
Por parada pas drekës duke hyrë të krekosur në selinë e PD-së mu duk e turpshme.
E turpshme sepse ata marshuan si fitimtarë kur janë humbës sistematikë.
E turpshme sepse parakoluan si gjeneralë kur nga mbrapa nuk kanë ushtarë.
E turpshme sepse anëtarësia i fton në nje diskutim se si të mundim Ramën dhe ata duke gromësirë shkojnë të ngushëllojnë Kryetarin në ikje.
E turpshme sepse bëjnë si trima pas humbjes së betejës.
E turpshme sepse në vend që të ulin kokën dhe të kërkojnë ndjesë krekosen si fitimtarë.
Nuk mund të them se ata nuk janë demokratë dhe madje për disa prej tyre edhe mund të betohem por demokracia është rrotacion, ndjesë, transparencë dhe tolerancë për të ecur perpara.
