Moti i keq ka sjellë probleme në mjetet e lundrimit në qytetin e Vlorës. Mëngjesin e sotëm, një prej trageteve të linjës Vlorë-Brindisi ka mbërritur në port, por nuk ka mundur të ankorohet.
Trageti me 118 pasagjerë po qëndron ende në det të hapur.
Era e fortë dhe stuhia ka bërë të pamundur afrimin e tragetit në kalatat e portit të Vlorës.
Pritet të tentohet pas orës 16:00, por situata mbetet ende e vështirë.
