Në ‘Open’ Arben Ristani u përpoq të sqaroj se si do të organizohet Kuvendi i 11 dhjetorit dhe çfarë do të miratohet. Pikë së pari, tha Ristani, do të miratohet Statuti dhe një nen që do të qyhet ‘Neni Basha’.
Ristani: Pika e parë e mbledhjes se Kuvendit është ribërja e Statutit. Do të demokratizojmë Statutin, do të fusim dhe referendumin si pikë. Pasi të miratohet Statuti në Kuvend, ai hyn në fuqi menjëherë. Basha do shkarkohet si pasojë e shkeljes së Statutit dhe si armik i tij. Basha do shkarkohet së bashku me kryesinë, sepse është zgjedhur në mënyrë të paligjshme. Më pas do të zgjidhet një komision që do të bëjë rithemelimin e PD-së, që do të zgjidhet aty dhe do të marrë atributet dhe kompetencat që do t’ia ngarkojë Kuvendi, deri në zgjedhje. Komisioni do të përdorë asetet e Partisë dhe do të fillojë punën për ngritjen e Partisë Demokratike.
I menjëherëm ishte dhe reagimi i Salianjit, si mbrojtës i Bashës.
Salianji: Pas kësaj do të zgjohen dhe do kuptojnë se ishte një ëndërr e keqe. Ka zero shanse që të ndodh kjo gjë. Nuk mund që askush të zaptojë institucionet. Ky vend nuk është vend tribal dhe vend që fiton ai që bërtet më shumë. Selia e PD është e demokratëve. Legjitimiteti buron nga vota. Nuk ka një nen që shkarkohet kryetari, që është zgjedhur një anëtarë një votë. Kjo që po ndodh është çmenduri. Nëse ndryshohet Statuti, në një kuvend të ligjshëm, dhe jo më në një miting , nuk hyn në fuqi menjëherë, shkon në gjykatë, dhe duhet ta legjitimojë gjykata ndryshimin statutor. Një kuvend ka PD, dhe ai është në 18 dhjetor.
Ndërsa Ristani dhe Salianji debatojnë me njëri-tjetrin, Gjekmarkaj nuk mundet të durojë më. Ai ngrihet nga karrigia për t’u larguar, por me këmbënguljen e moderatores, rikthehet sërish.
Gjekmarkaj merr fjalën dhe deklaron se në vitin 2021 një pjesë e PD-së tenton të vendos në konflikt partinë me SHBA-në.
Gjekmarkaj: Unë e kam votuar Berishën, ashtu edhe familja ime. Ai e konsideron partinë si pronë. Unë e refuzoi këtë part,i sepse unë nuk kam hyrë në parti, as për t’u pasuruar dhe as për post. Në këtë kontekst, nëse ai do e grabisë partinë, le ta grabisë. Ajo është kthyer në një parti haxhiqamiliste. Nëse u themi qytetarëve, se Berisha që humbi në vitin 2013 me 1 milion vota , ka rrahur gazetarë, ka manipuluar zgjedhjet e vitit 2006, mua me vjen turp që jam pjesë e kësaj partie. Unë e refuzoj këtë parti si koncept , nesë ajo nuk ndryshon. Shqipëria nuk ka nevojë për këto parti.
