Lulzim Basha, kreu i PD, tha se më 9 shtator morri vendimin për pezullimin e Sali Berishës nga Grupi Parlamentar, i cili i shërben demokratëve dhe Partisë Demokratike.
“Unë nuk tërhiqem nga beteja, Sali Berisha ka konflikt me SHBA. E gjithë kjo tollovi merr fund më 18 dhjetor, më 11 dhjetor nuk do të ndodhë asgjë, nuk do të lejoj asgjë që cënon dinjitetin e demokratëve.
Jam i përgatitur për çdo gjë që mund të mendojnë se trekëndëshi i Bermudës, Rama-Berisha-Meta dhe oligarkët që janë thirrur më 11 dhjetor, mund të cënojnë dinjitetin e demokratëve”, tha Basha në emisionin “Opinion”.
Kreu demokrat tha se zgjedhja që ai ka bërë, bashkë me demokratët, është beteja me Edi Ramën.
“Siç iu premtuam demokratëve jemi në atë Kuvend, vetëm për të futur Shqipërinë në shina, për ti hapur rrugën zgjedhjeve të lira dhe të ndershme.
Sali Berisha nuk do Kuvend, nuk do që demokratët ti binden vullnetit të shumicës përmes debateve dhe diskutimeve. Berisha nuk dëshironte Kuvend sepse po të donte duhej të paraqiste kërkesën sipas statutit. Problemi i Sali Berishës është shpallja “non grata”, jo Kuvendi, ai nuk do të numërohen votat, nuk do të respektohet statuti. Ai është një turpo për Shqipërinë në arenën e hajnisë, janë bërë bashkë interesat e krimit të organizuar, oligarkisë dhe trekëndëshit të Bermudës”, tha Basha.
