Gazeta Koha Jonë, me botues Nikoll Lesin, në një artikull të sajin, shkruan se kreu demokrat Lulzim Basha ka dëshirë për tu dhunuar pas datës 11 dhjetor dhe më pas të justifikohet te ambasadorët.
“Lëvizja e Berishës ishte nga halli, por solli shkundje në PD, ngritje të entuziazmit që kishte shkuar në fund të këmbëve për çdo opozitar si dhe tension e frikë në qeverinë e zotit Rama.
Të gjithë e dijnë se protestat e pritshme organizuar nga Sali Berisha nuk do jenë marshim me “lule”, por përballje e fortë. Nëse zbret në shesh edhe Ilir Meta atëhere beteja do jetë epokale mes qeverisë dhe dyshes Berisha-Meta.
E në këtë histori përplasjesh në PD, Basha ka humbur legjimitetin, elektorati e ka braktisur por ai lutet të ketë një dhunim nga demokratët e Berishës ndaj tij, mundësisht te selia blu. E do Basha një dhunim live në media që ta përdor tek ndërkombëtarët dhe publiku se “këta të Saliut me rrahën në zyrën time si kryetar PD!”.
E do duke ikur nga selia blu që ta ketë si “dekoratë” këtë dhunim. Në të vertetë kjo mund të ndodhë, ndonëse nuk duhet të ndodhë!
Ndaj mos ia jepni këtë kënaqësi Lulzim Bashës që të ikë i dhunuar fizikisht nga PD. Le të harrohet emri i tij në PD, siç bëri ai në këto 8 vite që PD-ja të sfumohet dhe tjetërsohet”, thuhet në artikull.
