Kryetari i PD-së, Lulzim Basha ka kujtuar ditën e Rinisë.
Në një postim në rrjetet sociale, Basha shprehet se 8 Dhjetori 1990, është dita që ndau të shkuarën nga e ardhmja dhe ndryshoi përgjithmonë historinë e Shqipërisë.
“31 vite më vonë, thirrja për Shqipërinë si gjithë Europa mbetet një kushtrim për të përmbushur amanetin e të rinjve dhe të rejave që sakrifikuan për liri e demokraci, si dhe për të mbajtur gjallë forcën, guximin dhe idealet e Dhjetorit ‘90, përballë një tjetër diktature, që po varfëron dhe largon bijtë dhe bijat e shqiptarëve, atë të korrupsionit”, shton.
“Gëzuar 8 Dhjetorin”, përfundon reagimin e tij kryetari i PD-së.
