Lirohet Pajtim Rrushi, vëllai i Fredi Rrushit i akuzuar për vrasjen e biznesmenit Ruzhdi Hoxha.
Gjykata e Apelit Tiranë ka caktuar masën e “arrestit në shtëpi” ndaj Pajtim Rrushi, që më herët ishte nën masën e sigurisë arrest me burg.
Ai akuzohej nga prokuroria “Veprime që pengojnë zbulimin e se vërtetës” dhe “Fshehje ose asgjësimi i kufomës”.
Pajtimi mendohet se me mjetin e tij tip “Passat”, ka dërguar për në Dajt pas vrasjes biznesmenin e vrarë.
Pasi e ka çuar në malin e Dajtit, Pajtim Rrushi mendohet se ka fshehur trupin e Hoxhës e po ashtu edhe automjetin.
Pajtim Rrushi ka mohuar akuzat por, kundër fjalës së tij janë pamjet që kanë kapur kamerat e sigurisë dhe qelizat e telefonit celular, në të cilat rezulton se mes 20 dhe 21 tetorit ai ka qenë në zonën e Dajtit.
Ndërkohë Apeli la të pandryshuar masën e sigurisë “arrest me burg” të shkallës së parë për Fredi Rrushaj, i dyshuar për kryerjen e veprave penale “ Vrasje me paramendim”, “Mbajtja pa leje e armëve, prodhimi i armëve, armëve shpërthyese dhe municionit”, “Fshehje ose asgjësimi i kufomës”.
Trupi i biznesmenit të vrarë u gjet nga policia në 6 nëntor ndërsa ai rezultonte i zhdukur që në datën 25 tetor.
