Ministria e Shëndetësisë njoftoi këtë të Martë se janë regjistruar edhe tetë raste të reja me koronavirus nga 2,274 testime.
Nuk raportohet për humbje jete.
Sipas raportit, në 24 orët e fundit janë shëruar 12 pacientë.
Ministria e Shëndetësisë njoftoi se në Kosovë aktualisht janë 314 raste aktive me koronavirus.
Sa i përket vaksinimit, brenda 24 orëve janë dhënë, 4,019 vaksina kundër koronavirusit. Që nga fillimi i fushatës së vaksinimit në Kosovë në mars, në gjithë vendin janë dhënë, 1.630.082 doza të vaksinës. Në Kosovë të drejtë vaksinimi kanë të gjithë personat mbi 12 vjeç. Ata mund të zgjedhin një prej vaksinave që janë në përdorim në Kosovë: vaksinën e Pfizer/BioNTech dhe AstraZeneca.
Situata epidemiologjike në Kosovë është vlerësuar se është e qetë, për dallim nga rajoni dhe Evropa që aktualisht po përballen me një valë të re të infeksioneve.
