Kanë startuar 6 sfidat e vlefshme për raundin e fundit në grupet e Champions League. E gjithë vëmendja do të jetë e përqendruar në Grupin B, aty ku Milan pret Liverpoolin në “San Siro”.
Për të arritur kualifikimin, skuadra e Piolit duhet të mposhtë të besuarit e Klopp, ndërsa duhet të shpresojë që në sfidën tjetër, Atletico Madrid nuk del e humbur në transfertë ndaj Portos.
Tjetër supersfidë rezervon edhe Grupi D me Real Madrid dhe Interin që do të diskutojnë “kokën” e grupit. Aktualisht spanjollët kryesojnë me 2 pikë më shumë, ndërsa Interit i duhet vetëm fitorja për të kapërcyer “Los Blancos”.
