Nga 190 delegatë që kanë delegatët e Dibrës dhe Bulqizës, 135 prej tyre kanë firmosur mbajtjen e Kuvendit Kombëtar të PD më 11 dhjetor.
Gjithashtu nga dega e Shijakut janë publikuar emrat e delegatëve, ku sipas të dhënave zyrtare i janë bashkuar Kuvendit të 11 dhjetorit rreth 90 % e numrit të delegatëve që ka kjo degë, përfshi edhe drejtuesin e degës dhe kryetaren e degës së LDG.
Emrat janë publikuar mesditën e sotme, ndërsa i gjithë procesi është në kuadër të transparencës lidhur me mbajtjen e Kuvendit më 11 dhjetor, datë e propozuar nga ish-Kryeministri Sali Berisha gjatë turit të Foltores, dhe e mbështetur nga rreth 5500 delegatë, 4200 prej depozituan formularët në zyrën e Kreut të Këshillit Kombëtar të PD.
