Përballja me Liverpool, Pioli: Ja çfarë synon Milan

Copyright: xNicolxCampox

Milani ka një ndeshje të vështirë përballë Liverpool në Champions League. Kjo pohohet edhe nga Stefano Pioli, i cili pranon se kalimi i grupit të Champions nuk është plotësisht në dorën e Milanit.

“Jemi më të fortë se në ndeshjen e parë. E dimë nivelin e intensitetit dhe forcën e Liverpool. Nëse do të arrijmë që të kalojmë presingun e parë të tyre, atëherë mund të jemi të rrezikshëm edhe ne. Po punojmë me detaje, sepse duam që të jemi konkurrues me më të fortët e Europës.

LEXO EDHE  Mino Raiola në terapi intensive pas operimit në mushkëri

Jemi të bindur që jemi të fortë dhe që Liverpooli është shumë i fortë. Duam që të përballemi me skuadrat më të forta dhe të kërkojmë të fitojmë me sakrificë, vendosmëri dhe qartësi teknike e taktike. Mendojmë vetëm për ndeshjen e nesërme.

Objektivi ynë është që të jemi konkurrues në Itali dhe në Europë. Nëse kualifikohemi në 1/8 e finales do të jetë shumë mirë, në të kundërt do të japim gjithçka në Europa League. Duam të shohim nivelin tonë”, tha Pioli.