Krim në familjen shqiptare në Greqi/ Burri vret gruan, dy fëmijët mbeten jetim

Një ngjarje e rëndë është shënuar në Greqi. Sipas një lajmi që ka dhënë televizioni publik Ert, në Lakonia të Peloponezit jugor, është regjistruar një vrasje tjetër e një gruaje nga bashkëshorti i saj.

Kësaj here vrasësi është një shtetas shqiptar 40-vjeçar. Raportohet se ngjarja ka ndodhur në fshatin Vlaqioti. Thuhet se 40-vjeçari e ka mbytur bashkëshorten e tij 36 vjeçare me duar, pas një sherri që kanë pasur.

LEXO EDHE  Mesha e fundit/ Frendo: Feja dhe politika të angazhohen për një Shqipëri më të denjë për shqiptarët

Më pas ai ka telefonuar tek policia dhe ka pohuar krimin. Gruaja u gjet e pajetë në banesë. Çifti kishte dy fëmijë.

Kjo është vrasja e 15 e një gruaje nga bashkëshorti i saj në Greqi në 11 muajt e fundit. Shkak për këtë ngjarje të rëndë dyshohet se janë bërë problemet që ata kanë pasur me martesën.