Donald Veshaj ka nisur një histori të re dashurie me Beatrix Ramosaj brenda shtëpisë së “Big Brother” dhe kjo ka shkaktuar reagime të ashpra në rrjet. E gjitha kjo për shkak se aktori i kishte premtuar ish të dashurës, Bora Zemani se do të hynte vetëm e do të dilte vetëm nga shtëpia më e famshme në Shqipëri. Pasi shkëmbeu një puthje me Borën në “BBV” dhe u duk sikur do të kishte rikthim kur të dilnin jashtë, Donaldi i dërgoi varësen e tij për trevjetorin e lidhjes së tyre.
Gjatë spektaklit të së premtes, Donaldi tha se po priste një sinjal prej Borës, gjë të cilën nuk e mori asnjëherë dhe ai e hodhi pas atë histori duke nisur diçka të re me Beatrix.
Moderatorja Dojna Mema sqaroi në “Fan Club” se Bora Zemani, e cila ka njohje me stafin e “Big Brother” për shkak të punës, ka dashur të fusë gjëra nën dorë për Donaldin, por që është e ndaluar për transparencë me publikun. Ajo është ftuar ta bëjë këtë gjë publikisht, por nuk ka pranuar.
