Epidemiologu Ilir Alimehmeti, shprehet se rastet e reja me Covid-19 janë në rënie.
Në një intervistë për Ora News, Alimehmeti shprehet se ndryshe nga një vit më parë shumica e popullatës ka fituar imunitet.
Sipas tij, disa njerëz e kanë kaluar Covid-19, e shumë të tjerë janë vaksinuar, gjë që ka bërë që të ketë më pak raste, më pak të shtruar në spitale dhe më pak humbje jete.
“Së pari duhet të marrim parasysh se numrat e rasteve të reja janë në rënie. Duket qenë se ne jemi në rënie të rasteve, do të ketë edhe ulje të vdekshmërisë.
Po të krahasojmë këtë valën këtu, me valën e sezonit të kaluar në këtë rast kemi imunizimin. Domethënë që disa njerëz e kanë kaluar, një numër i madh është vaksinuar, ka dhe njerëz që i kanë bërë të dyja. Si rrjedhojë automatikisht është përkthyer në ulje personave që kanë nevojë për spital dhe në ulje të humbjeve të jetës”, tha ai.
“Patjetër që kemi marrë edhe ekspertizë më shumë. Janë përmirësuar protokollet e trajtimit, njihet më mirë situate, duke qenë se numri i njerëzve në spital është më i ulët marrin dhe kujdes më të mirë. Njohuritë sot në krahasim me një vit më parë janë më të mëdha dhe patjetër që mundësitë sot menjë vit më para janë më të mëdha. Dukeparë se ka më shumë vëmendje dhe përkujdesje edhe stresi bie”, shtoi Alimehmeti.
Me tej ai thotë se edhe nëse e ke kaluar Covid-19 apo je vaksinuar mund të riinfektohen sërish, por megjithatë ata janë të mbrojtur nga shtrimi në spital dhe humbja e jetës.
“Është e mundur të infektohesh edhe pse je infektuar njëherë edhe nëse je vaksinuar. Efektiviteti i atyre që janë vaksinuar është rreth 90-95 % për mbrojte nga shtrimi në spital dhe humbja e jetës. Këto që riinfektohen kanë një efektivitet shumë më të lartë nga format e rënda. Këto nuk shtrohen në spital”, tha ai.
