Një shqiptar, 35 vjeç, u arrestua nga policia italiane, e cila gjatë një kontrolli i sekuestroi sasi të vogla narkotikësh.
Shqiptari u arrestua pasditen e së shtunës, ndërsa ai u shfaq nervoz përballë disa agjentëve të policisë, që i bënë shenjë që të ndalonte, ndërsa ishte në timon.
Shqiptari, ka tentuar fillimisht të shtyjë një agjent dhe i ka dhënë marsh makinës duke ikur me shpejtësi të madhe mes përmes trafikut dhe duke rrezikuar sigurinë e makinave të tjera dhe këmbësorëve.
Pas pak minutash, në përfundim të një ndjekjeje të rrezikshme, 35-vjeçari u kap dhe u ndalua.
Edhe pse nuk kishte rrugë shpëtimi, ai u përpoq t’i shpëtonte kontrollit duke gjuajtur me shqelma e grushta dhe, në të njëjtën kohë, të hidhte dy pako të gjetura menjëherë dhe që përmbanin rreth 1 gram kokainë dhe 15 heroinë.
Më pas kontrolli u shtri në shtëpinë e tij, ku u gjet një shishe me 42 gramë metadon për të cilin ai nuk e kishte një recetë mjekësore si dhe një peshore elektronike precize.
Ai u arrestua për zotërim të lëndëve narkotike me qëllim trafikimin dhe rezistencën ndaj policisë në gjendje të rënduar dhe u dërgua në paraburgim në Marassi.
