Arbër Abilaliaj: Partizani ka nevojë për merkato, do vazhdojë luhatjet gjithë sezonin

Arbër Abilaliaj, një ish-futbollist i Partizanit, mendon se të kuqtë do të vuajnë në këtë sezon pasi merkato e janarit nuk është zgjidhja e problemeve të ekipit të Dajës. I ftuar në “Sport News Plus”, ai shpjegoi se pse merkato në muajin e ardhshëm nuk mund të sjellë zgjidhjen për problemet që ka shfaqur ekipi.

“Kam përshtypjen që Partizanit nuk i duhet vetëm një sulmues. Duhet të ndërhyjë në 2-3 pika. Ka probleme dhe është kjo e merkato e janarit që nuk të jep shumë mundësi e alternativa. Nuk ke kohën të studiosh futbollistin dhe më të mirët janë të gjithë nën kontratë në këtë periudhë. Ndaj mendoj se Partizani do të vazhdojë këto luhatje për gjithë sezonin.

LEXO EDHE  Anglia nën ‘këmbët’ e Brojës/ ‘The Sun’ artikull për shqiptarin

Nuk është vetëm sulmi, e kam parë Partizanin 2-3 herë, në ekip mungojnë disa elementë për ta bërë ekip kompetitiv për t’i shkuar për shtat emrit dhe traditës që ka. Por nuk është e vështirë të bësh një ekip që të paktën të synojnë vendin e dytë”, tha Abilaliaj.