Tre persona janë arrestuar në Korçë për trafik emigrantësh. Njëri prej të arrestuarve, shtetasi E. Z. 24 vjeç, ishte shpallur në kërkim dy ditë më parë.
Dy të arrestuarit e tjerë janë; A. Sh., 41 vjeç dhe A. B., 35 vjeç, banues në Tiranë.
Sipas policisë ata janë kapur në hyrje të qytetit të Bilishtit, duke transportuar me dy automjetet e tyre tip taksi, nga Tirana në drejtim të Kapshticës, kundrejt shpërblimit prej 100 euro, respektivisht nga 3 emigrantë të paligjshëm secili.
Materialet në ngarkim të tyre i kaluan Prokurorisë së Rrethit Gjyqësor Korçë për veprime të mëtejshme.
