Bayern munich ka fituar 3-2 me përmbysje ndaj rivalit Borussia Dortmund. Një klasike e Gjermanisë nuk zhgënjen asnjëherë e sidomos kur në fushë janë dy monstra golash si Erling Haaland dhe Robert Lewandowski.
Në një “Signal Iduna Park” të kufizuar në numër tifozësh për shkak të masave, ishte Bayern Munchen që triumfoi 3-2 teksa nuk munguan polemikat dhe përplasjet e forta.
Fillimisht Julian Brandt në 5’ që çoi vendasit në festë por bavarezët reagojnë që në pjesën e parë dhe përmbysin situaten me dy golat e Lewandowskit dhe Coman në 9’ e 44’.
Me të nisur pjesa e dytë, Haaland tregon talentin me një supergol ndërsa në 77’ plasin polemikat për një penallti të Bayernit pasi Rose pretendonte për një penallti me parë dhe trajneri verdhezi ndëshkohet me të kuq.
Polaku nuk gabon për të çuar në 3-2 ndeshjen ndërsa 10 minutat shtesë për shkak të një përplasjeje të fortë të Brandt në fushë nuk ndryshojnë asgjë.
Bayerni largohet me 3 pikë dhe tashmë i shkëputur me 4 pikë më shumë në renditje pikërisht nga Dortmundi.
