Si dhuratë për gruan, burri nga India e ndërton shtëpinë si Taj Mahal

Një burrë nga India e nderoi gruan e tij prej 27 vjetësh duke i ndërtuar një shtëpi në formën e një kopjeje në miniaturë të Taj Mahal-it.

Anand Prakash Chouksey, 52 vjeç, tha se u deshën tre vjet për të përfunduar ndërtimin e shtëpisë në Madhya Pradesh, që ai e bëri si dhuratë për gruan e tij 48-vjeçare, Manjusha.

“Ishte dhuratë për gruan time, por edhe për qytetin dhe njerëzit aty”, tha Chouksey për BBC.

Ai shtoi se dizajni i shtëpisë, i cili kushtoi rreth 260 mijë dollarë për t’u ndërtuar, u bazua në Taj Mahal, objekti me famë botërore që është bërë pikë referimi.

LEXO EDHE  Pandemia/ Amerika Latine dhe Azia përfshihen nga vala e variantit Omicron

Chouksey deklaroi se ai fillimisht donte që kopja e tij e Taj Mahal të ngrihej 80 metra lartësi, por u “përplas” me autoritetet lokale dhe më pas i minimizoi planet e tij për ta mbajtur shtëpinë 29 metra të lartë.

Pjesa e jashtme e shtëpisë bazohet në modelet 3D të Taj Mahal, por ajo e brendshme ka ndikime më moderne.