Nga Boldnews.al
Një nga veprat më të debatuara kohët e fundit ka qenë ndërtini i Aeroportit të Vlorës. Qindra milionë euro po investohen në Akërni, teksa është bërë edhe tenderi dhe puna ka filluar në datë 28 nëntor 2021.
Por, megjithëse Edi Rama e inauguroi, sërish nuk janë bërë dëgjesat publike dhe nuk është bërë rruga lidhëse. Për këtë të fundit, Autoriteti Rrugor Shqiptar ka bërë një tender, teksa kanë shfaqur interes të gjithë oligarkët e ndërtimit të rrugëve.
Nga ata që s’kanë lënë qindarkë pa i marrë arkës së shtetit. BoldNeës.al ka siguruar dokumentet e këtij tenderi të bërë nga “Berberi” i parave publike, i cili duke drejtuar prej pak muajsh ARRSH-në është bërë një Ergys Verdho dhe Afrim Qendro i dytë. Natyrisht, paraja është e “embël”, dhe Berberi ka vijuar me “bekimin” e Ballukut.
Në dokumente thuhet se ARRSH ka hapur tenderin “ndёrtim rruga lidhëse e Aeroportit Ndërkombëtar të Vlorës (VIA)- Autostrada Fier Vlorë”. Fondi limit i këtij tenderi na qenë 267.030.666 pa TVSH, ndërsa ndërtimi duhet të bëhet brenda 16 muajve.
Në tender kanë marrë pjesë 15 kompani, ku vlerën më të ulët e ka pasur Shkëlqimi 07 me ofertë prej 140.237.084. Oferta kanë pasur edhe 9 kompani të tjera për të arritur te kompania e renditur e 11-ta. Fusha dhe V.A.S Konstruksion kanë ofriar 209.933.125 lekë, ose rreth 700 milionë lekë më shumë se oferta më e ulët.
Por, oferta e Fushës është shpallur fituese, pasi “Berberi” i ARRSH-së ka qeshur plot 10 firma për të arritur te kjo kompani e njohur në Tiranë dhe së fundmi në Vlorë, ku ka shtrirë tentakulat. Natyrisht, Berberi ka gjetur disa kleçka kompanive të tjera, ndërsa duket se Fusha i ka plotësuar çuditërisht të gjitha specifikimet e Berberit dhe Ballukut.
