Komisioni i Venecias ka dhënë opinionin e tij për zgjatjen e afatit të vetingut, pas kërkesës së deputetëve socialistë.
Nga raportimet mësohet se Komisioni i Venecias ka dhënë aprovimin e saj për zgjatjen e organeve të Vetingut deri në datë 31 dhjetor 2024.
Mazhoranca kërkoi mendimin e Komisionit të Venecias sa i takon amendamenteve kushtetuese për Reformën në Drejtësi, specifikisht për zgjatjen e afatit të organeve të Vetingut.
Këtë të mërkurë, mbërriti në Tiranë draft opinioni i Venecias, duke i hapur rrugë kështu zgjatjes së mandatit për organet e vetingut deri në fund të vitit 2024.
Ndërhyrja në Kushtetutë për mandatin e organeve të Vetingut u pa e nevojshme pasi vlerësimi kalimtar për gjykatësit dhe prokurorët shqiptarë nuk ka ecur me ritmin e pritur.
