Nga Hasi ku po zhvilloi një takim spontan me anëtarë të PD, ish-Kryeministri Sali Berisha ka ftuar demokratët që t´i bashkohen Kuvendit Kombëtar të 11 dhjetorit.
Takimi i Hasit i paraprin Foltores që do të zhvillohet pasditen e sotme në Tropojë. Berishës iu rezervua një pritje me saze në Has, çka duket se e ka detyruar ish-Kryeministrin që nga një takim me anëtarët e Kryesisë së degës së PD, ta kthejë në një miting me demokratët.
Berisha u shpreh se demokratët më 11 dhjetor do ta kthejnë Partinë Demokratike në shtëpinë e lirisë së demokratëve dhe shqiptarëve.
“Bashkohuni me Kuvendin e 11 dhjetorit, bashkonuni për t´a bërë PD shtëpinë e lirisë dhe më demokratike se kurrë, bashkohuni të ringremë Partinë Demokratike”, ishte mesazhi që Berisha përcolli para të pranishmëve.
