Zaev i ofroi para një deputeteje për të kaluar në mazhorancë? Reagon zyra e kryeministrit

Kryetari i Komunës së Gostivarit dhe Sekretari i Përgjithshëm i ASH-së, Arben Taravari ka deklaruar se një deputete të ASH-së i janë ofruar para që të kalojë në shumicën aktuale parlamentare. Taravari tha se megjithatë, Grupi Parlamentar i ASH-së, është kompakt.

“Z.Zaev me para përpiqet t`u afrohet deputetëve, ky është sekret publik. U propozon t`u jep një shumë parash të kalojnë tek ata, megjithatë, deputetët tanë janë të vendosur ngaqë e dijnë se qëllimi ynë është për një të nesërme më të mirë. Edhe një deputete të ASH-së i ka ofruar para, mirëpo ajo menjëherë i ka refuzuar dhe nuk ka dashur të flasë, ka pasur tentative të këtilla”, tha Taravari.

LEXO EDHE  Bilanc lufte/ 8 humbje jete dhe 1658 të infektuar në 24 orët e fundit në Shqipëri! Harta

Kryeministri Zoran Zaev menjëherë i është përgjigjur duke mohuar se ai apo dikush tjetër me direktivat e tij gjoja u kanë ofruar para deputetëve.

Ky reagim është bërë nga kabineti qeveritar i Zaevit. “Për këtë manipulim të rëndë, gënjeshtër dhe shpifje, do të ndërmarrin të gjitha veprimet ligjore përmes institucioneve të drejtësisë, nëse zoti Taravari nuk e tërheq menjëherë publikisht shpifjen dhe nëse nuk kërkon falje publike”, thuhet në njoftimin e qeverisë.