Vrasja e Pashko Ujkës/ Autori u fiksua nga kamerat. Pista e re e hetimeve

Të tjera detaje janë mësuar nga vrasja e ish-deputetit dhe ish-kreu i Komunës së Velipojës, Pashko Ujka.

Hetimet janë shtrirë në disa pista. Përveç pistës së hetimit për borxhet dhe konflikte që mund të ketë pasur më herët, hetimet janë shtrirë tek pista e tjetërsimit të pronave në Velipojë.

Ndërkohë, bëhet me dije se autori i vrasjes është fiksuar nga kamerat e sigurisë. Deri tani mësohet se kamerat kanë fiksuar siluetën e një personi që largohet me vrap mes rrugicave pas ngjarjes.

LEXO EDHE  Borë në male dhe ngrica në qytet, ja si paraqitet situata në qarkun e Elbasanit

Autori dyshohet se është i ri në moshë. Sot, janë duke këqyrur kamera të tjera sigurie për të gjurmuar itinerarin e lëvizjes së tij, të cilat mund të ndihmojnë dhe zbulimin e autorit.

Autori është larguar në këmbë dhe deri tani nuk vërtetohet të jetë ndihmuar nga persona të tjerë apo të ketë përdorur mjete për t’u larguar.