Deputeti i LSI-së, Petrit Vasili ka hedhur akuza ndaj kryeministrit Edi Rama këtë të Martë. Vasili vë në dukje mosreagimin e kreut të qeverisë lidhur me gjendjen e vështirë që është krijuar në shumë zona të vendet për shkak të motit të keq.
Duke iu referuar një postimi të Ramës në rrjetet sociale, Vasili shton se: poston kryeministri mesazhe romantike të një njeriu në qejfin e tij, të cilit Shqipëria nuk i intereson fare, pastaj lëshon të njëjtin muhabet dhe lan duart:”kështu ndodh në gjithë botën”.
“Ai ekziston vetëm kur duhen zhvatur koncesione dhe tendera qindra milion euro, aty i vjen zëri aty i shpërthen arroganca, histeria dhe demagogjia”, shton Vasili.
