Më 8 dhjetor luhet ndoshta sfida më e rëndësishme e fazës së grupeve në këtë edicion të Champions League. Bayern Munchen pret Barcelonën në “Allianz Arena”, me spanjollët që duhet të fitojnë me patjetër, në të kundërt rrezikojnë të eliminohen.
Në duelin vendimtar, në ndihmë të katalanasve erdhi vendimi i guvernatorit të Bavarisë, Markus Soeder. Ai vendosi që ndeshja të luhet me dyer të mbyllura, për shkak të rritjes së numrit të infektimeve me Covid-19.
Mungesa e tifozëve mund ta ndihmojë Barcelonën, edhe pse përballë superfuqisë me emrin Bayern, “blaugranat” duhet të zhvillojnë ndeshjen e jetës.
