Uroi festat me foton e diktatorit/ Shoqata Antikomuniste reagon ashpër ndaj deputetit rilindas

Shoqata Antikomuniste e ish të Përndjekurve Demokratë të Shqipërisë, ka reaguar pas skandalit të deputetit rilindas Bujar Çela, i cili provokoi me foton e diktatorit Hoxha ndërsa uronte festat e nëntorit.

Me anë të një postimi shoqata antikomuniste i bën thorrje kryetares së Kuvendit, Lindita Nikolla, që t’i tërheq vëmendjen këtij deputeti dhe kërkojnë ndjes dhe të distancohet nga ky akt.

Postimi i Shoqatës Antikomuniste:

DEKLARATË

Shoqata Antikomuniste e Ish – të Përndjekurve Politikë Demokratë të Shqipërsië, dënon me forcë formën e komunikimit të përdorur sot nga deputeti i Partisë Socialiste Bujar Çela ndaj deputetëve të tjerë të Komisioneve në Kuvend.

Përdorimi i simboleve të komunizmit siç ishte portreti i diktatorit Hoxha dhe rilindja e tyre nga ky deputet i PS është një akt i shëmtuar dhe provon edhe një herë që Partia Socialiste është kthyer në një shtojs dhe nuk është shkëputur  akoma nga koha e diktaturës komuniste, kjo është një fatkeqsi për demokracinë e vendit!

Kërkojmë sa më parë nga Kryetarja e Kuvendit të Shqipërisë zonja Lindita Nikolla që t’i tërheq vëmendjen këtij deputeti dhe kërkojnë ndjes dhe të distancohet nga ky akt!

LEXO EDHE  Studimet: Doza përforcuese, e nevojshme kundër Omicronit