Rama propagandë me aeroportin e Vlorës

Kryeministri Edi Rama njoftoi sot nisjen e punimeve në aeroportin e Vlorës, duke e lidhur këtë me 109 vjetorin e Pavarësisë. Rama u kujdes që edhe urimin e parë në rrjetet sociale për festën e Flamurit ta lidhte me logon e aeroportit të Vlorës, duke mos nguruar që të bëjë haptazi propagandë në këtë drejtim.

Por gazetari Klodian Tomorri, në një reagim në rrjetet sociale, shkruan se në fakt Aeroporti i Vlorës nuk ka projekt, nuk ka studim, nuk ka leje ndërtimi.

“Është akoma në zonë të mbrojtur dhe mbi të gjitha nuk ka marrëveshje financimi. Ku janë paratë, që do të ndërtojnë Aeroportin, cila është banka që ka marrë përsipër financimin?”, shkruan Tomorri.

Postimi nga Klodian Tomorri

Andej nga fundi i viteve 70’ Partia kishte marre vendimin se Shqiperia duhet te prodhonte traktore. Nuk kishte rendesi se cfare prodhohej, as kostoja. Madje nuk kishte rendesi as nese traktoret funksiononin. Thjesht Shqiperia duhet t’i tregonte botes se mund te prodhonte teknologji me forcat e veta.

Pas aksionit aty nga viti 1978, Mehmet Shehu hipi mbi nje grumbull hekurash me forme traktori per te bere ziliqare armiqte e Shqiperise. Shqiperia kishte prodhuar traktorin e pare, pa ndihmen e Kines dhe Bashkimit Sovjetik. Shkemb graniti qe nuk ia kishte nevojen askujt

LEXO EDHE  Pipero: Ja kur i vjen fundi pandemisë

Partia dhe Mehmeti nuk jane me. Por Shqiperia ka mbetur njesoj. Dy dite me pare qeveria dergoi me urgjence dy ekskavatore ne llucen e Akernise, ne vendin ku do te ndertohet Aeroporti i Vlores. Nuk ka rendesi nese ekskavatoret punojne apo jo ne terrenin me balte. Qeveria duhet t’i tregoje popullit se Aeroporti po fillon te ndertohet.

Me shume gjasa, fati i ekskavatoreve te zhytur ne balten e Nartes do te jete si ai i traktoreve te Mehmetit. Kryeregjisori ka vendosur qe ndertimi i Aeroportit duhet te filloje ne diten e festes se pavaresise. Dhe show do te behet pavaresisht rezultatit.

Ne fakt Aeroporti i Vlores nuk ka projekt. Nuk ka studim, nuk ka leje ndertimi. Eshte akoma ne zone te mbrojtur dhe mbi te gjitha nuk ka marreveshje financimi. Ku jane parate, qe do te ndertojne Aeroportin, cila eshte banka qe ka marre persiper financimin?

Te gjitha keto nuk ekzistojne. Por ekskavatoret jane aty. Njesoj si traktori i Mehmet Shehut.

Ne diten e Pavaresise, Vlora u be me aeroport. Sepse kryeregjisori kishte vendosur ashtu.