Ambasadorja e SHBA-ve, Yuri Kim, ka uruar nga Vlora festën e Pavarësisë së Shqipërisë, duke iu bashkuar mesazheve të urimit të kolegëve të saj diplomatë.
Ambasadorja Kim uroi në shqip: “Gëzuar ditën e Pavarësisë”, poshtë ballkonit ku më 1912 u ngrit flamuri në Vlorë nga Ismail Qemali.
“Asgjë nuk mundi ta ndalojë SHBA që të mbronte pavarësinë e Shqipërisë njëqind vjet më parë. Asgjë nuk mund të na ndalojë të festojmë sot 109-vjetorin e #Ditës së Pavarësisë së Shqipërisë. Gëzuar!”, shkruan ambasadorja amerikane.
Gjithashtu, Ambasadori i BE, Luigi Soreca ka uruar 109 vjetorin të Ditës së Pavarësisë.
Në një postim në rrjetet sociale, Soreca ka shprehur gatishmërinë për integrimin sa më parë të Shqipërisë në familjen e madhe të Bashkimit Europian.
“Sot ne i bashkohemi qytetarëve në festën e 109-vjetorit të Ditës së Pavarësisë së Shqipërisë! Ne jemi krenarë që ju mbështesim në rrugën tuaj drejt anëtarësimit në familjen e BE-së. Gëzuar 28 Nëntorin, gëzuar ditëlindjen Shqipëri”, shkruan Soreca.
