Një tjetër humbje për Juventusin, një tjetër rezultat negativ për bardhezinjtë që pas disfarës së thellë në Champions e pësojnë nga Atalanta.
Zikaltërit bëjnë një ndeshje perfkete në “Allianz Stadium” me një super Gjimshiti i cili bëhet edhe asistman në fitoren e skuadrës së Gasperinit.
Që në fillim miqtë ishin të rrezikshëm dhe në 28’, falë një pasimi fantastik të Berat Gjimshitit, Duvan Zapata pothuajse i vetëm kthen në gol rastin e artë.
Në pjesën e dytë, Allegri i provon të gjitha duke futur Kean, Kai Jorge dhe me gjithë tentativat në sulm nuk arrin të gjejë golin kjo edhe falë një pune të mrekullueshme të Berat Gjimshitit në mbrojtje bashkë me Demiral.
Me këtë humbje, tashmë për Juventusin sezoni po kthehet në makth dhe është një hap shumë prapa në rrugën drejt një vendi në Champions teksa Atalanta madje afrohet edhe me kryesuesit në renditje.
