Dënimi i “Boldnews.al” për Mirel Mërtirin, Vokshi: Vendimi tregon se mafia e plehrave ka pas pushtetin

Deputetja demokrate, Albana Vokshi shprehet se gjobitja e “Boldnews.al” nga gjyqtari i Tiranës Besnik Hoxha, në një proces penal për “shpifje” ndaj Mirel Mërtirit, tregon se mafia e plehrave ka pas pushtetin.

Vokshi përshëndet reagimin e Shoqatës “Gazetarët Profesionist të Shqipërisë” lidhur me çështjen dhe fton “mediat e gazetarët të solidarizohen me kolegët”.

Kryetarja e Lidhjes Demokratike të Gruas shprehet se gazetarët janë barriera e fundit që të veshurit me pushtet po kërkojnë të rrëzojnë.

“Një ditë e vërteta do të zbardhet dhe të gjithë të përfshirët në krimet dhe aferën e landfillit të Sharrës, që sot me emër biznesi të ndryshuar ‘gropos’ miliona euro të taksapaguesve, duke iu helmuar ajrin, tokën, ujrat dhe gjithçka që gjallon përreth, do të marrin ndëshkimin e munguar nga drejtësia”, përfundon ajo.

LEXO EDHE  Kandidatët për Vorën, Rrogozhinën e Dibrën, Rama takon Veliajn e Manjën

Reagimi

Në një reagim përmes rrjeteve sociale, deputetja Vokshi shkruan:

Pse dënohet për shpifje Bold News?!

Sepse mafia e plehrave tregon se ka pas pushtetin.

Inkurajoj redaksinë e BoldNeës të mos ndalet e të ankimojë vendimin.

Përshëndes reagimin e Shoqatës “Gazetarët Profesionistl të Shqipërisë” dhe ftoj mediat e gazetarët të solidarizohen me kolegët.

Gazetarët janë barriera e fundit që të veshurit me pushtet po kërkojnë të rrëzojnë!

Një ditë e vërteta do të zbardhet dhe të gjithë të përfshirët në krimet dhe aferën e landfillit të Sharrës, që sot me emër biznesi të ndryshuar “gropos” miliona euro të taksapaguesve, duke iu helmuar ajrin, tokën, ujrat dhe gjithçka që gjallon përreth, do të marrin ndëshkimin e munguar nga drejtësia!