Të shtënat me ar*ë zjarri në Yzberisht, kapet njëri nga 6 autorët

Policia e Tiranës ka arrestuar një 24-vjeçar ditën e sotme.

Mësohet se është arrestuar shtetasi me iniciale E.H, i cili ishte shpallur në kërkim pasi më datë 6 nëntor bashkë me 6 persona të tjerë kanë qëlluar më armë zjarri në Yzberisht, duke terrorizuar banorët.

Nga hetimet ka rezultuar se ai është autor i dy vjedhjeve të ndodhura më parë.

Njoftimi i policisë
Specialistët për Hetimin e Krimeve në Komisariatin e Policisë Nr. 6 bënë kapjen dhe ndalimin e shtetasit E. H., 24 vjeç, i cili ishte shpallur në kërkim, pasi më datë 06.11.2021, në Yzberisht, së bashku me 6 persona të tjerë (të arrestuar në flagrancë) kanë qëlluar me armë zjarri në ajër.

LEXO EDHE  Berisha në Has: Më 11 dhjetor e kthejnë PD në shtëpinë e lirisë

Nga veprimet hetimore ka rezultuar se ky shtetas është autor i dy vjedhjeve të ndodhura më parë, konkretisht:

– Më datë  18.11.2021  ka vjedhur një sasi parash dhe disa produkte në marketin e shtetasit V. U.;

– Më datë 22.11.2021 ka vjedhur disa sende me vlerë në magazinën e shtetasit P. E.