VIDEO/ Vettingu i politikanëve, Kraja: Mos e përfshini SPAK në këtë proces

Këshilli i Legjislacionit po diskuton amendamentet kushtetuese te depozituara nga Partia Demokratike, një prej të cilëve është edhe vetting në politikë.

Lidhur me vettingun në politikë, kreu i SPAK Arben Kraja ka deklaruar se e vlerëson si të papërshtatshme përfshirjen e SPAK për të kryer këtë proces. Kraja kundërshtoi që SPAK të bëjë vettingun e politikanëve, duke e cilësuar si ngarkesë.

“Në raport me materialin që është përgatitur për përfshirjen e SPAK, është një procedurë administrative e parashikuar në Kushtetutë për tu realizuar që përfshin rreth 200 subjekte. Një procedurë që do kohën e saj dhe me këto kritere duhet vlerësuar.

LEXO EDHE  Batuta/ Bushati: Yuri Kim është bërë si Kim Kardashian e Rilindjes

Formalisht është një mundësi për t’i ngarkuar prokurorisë detyra të tjera, por këto nuk duhet të pengojnë thelbin e punës së prokurorisë që është ndjekja penale. Është një ngarkesë e jashtëzakonshme pune. Ne kemi kaluar një eksperiencë negative me OFL-të.

Ishte një detyrë e ngarkuar me ligj që na shfokusoi nga objekti i punës tonë. Prandaj do ta vlerësoja të papërshtatshme përfshirjen e SPAK në këtë proces. Jam kundër përfshirjes së Prokurorisë së Posaçme në këtë proces administrativ”, deklaroi Kraja.