Partizani kërkon ndihmën e tifozëve, ul çmimin e biletave për supersfidën ndaj Teutës

Foto: Partizani.al

Java e 10-të e Superiores’ rezervon një superpërballje si ajo midis Partizani dhe Teutës e cila do të luhet në stadiumin ‘’Elbasan Arena’’.

Në pamje të parë emrat e skuadrave premtojnë spektakël, por gjendja e tyre momentale nuk është më e mira dhe sfida pritet të luhet me mjaft delikatesë nga të dyja skuadrat.

Partizani do të jetë pritëse në këtë takim, dhe të kuqtë kanë bërë një njoftim sa i përket biletave për tifozët e klubit. Çmimet variojnë nga 300 lekë në 1000 lekë të reja, një thirrje për tifozët që të jenë sa më të shumtë në stadium, gjë që e tregon ulja e çmimit të biletave.

LEXO EDHE  ‘Topi i Artë’/ Leva merr çmimin ‘Sulmuesi i vitit’

Të kuqtë nuk po kalojnë një moment të mirë, dhe një fitore ndaj Teutës do të ngrinte moralin në shtëpinë e klubit kryeqytetas.