Meta: Një rrymë serbocentriste po rreket të rigjallojë në rajon. Tirana e Prishtina të mos mbyllin sytë

Presidenti Ilir Meta shprehu shqetësimin se një rrymë serbocentriste po rreket të rigjallojë në rajon. Ai apeloi që Tirana Zyrtare dhe Prishtina nuk mund ti lejojnë vetes të tregohen indiferentë apo të mbyllin sy.

”Një rrymë serbocentriste po rreket të rigjallojë në rajon përfshirë dhe përmes provokimit të vorbullave artificiale ku as Tirana Zyrtare as Prishtina Zyrtare nuk mund ti lejojnë vetes të tregohen indiferente apo sy mbyllur. Nuk mund të jetojnë me iluzionin se ajo që po shohim të ndodhë në Serbi, Mal të Zi, Bosnje apo deri diku në Kosovë nuk ka ndikim tek ne apo nuk na përket. Hymnizimi I kriminelëve të luftës apo mohimi I genocidit nuk mund të bashkëjetojnë me aspiratat europiane dhe atlkantike. Ndaj cdo tentativë për të na tërhequr drejt të ardhmes përmes halucinacioneve të së shkuarës duhet të ndeshet në refuzim të prerë, tha Meta, gjatë një fjale të mbajtur në Universitetin e Prishtines AAB.

Kreu i shtetit u ndal dhe tek rëndësia e marrëdhënieve Shqipëri – Kosovë dhe në prag të mbledhjes së përbashkët të dy qeverive tërhoqi vëmendjen që këto takime të mos jenë vetëm për shoë por të kalohet në zbatimin e marrëveshjeve.

LEXO EDHE  Sot “Foltorja” e Tropojës, Berisha: Drejt Vendlindjes. Rroftë Malësia e Gjakovës

 “Jemi të vetëdisjshëm se Shqipëria e Kosova ndajnë më shumë rreth vetes sesa interesa të përbashkëta strategjike. Ndaj si president dua të shoh një marrëdhënie më solide dhe më të vërtetë. Marrëdhëniet Shqipëri Kosovë nuk janë të ndërtuara kundër asnjë vëndi tjetër apo populli në rajon dhe as I njohim vetes tonë një patronazhist.  Shtrati i tyre iu natyrshëm është ndërtuar mbi historinë e kulturën dhe gjuhën e përbashkët dhe e ardhmja është vëllazërim i pandërprerë. Në këtë kuptim spektakli i takimeve zyrtare nuk mund të zëvendësojë punën që duhet të vazhdojë cdo ditë për thellimin e marrëdhnieve. Të përmbahemi zbatimit të marrëveshjes. Këto çështje janë ngritur prej kohësh por nuk po gjejnë zgjidhje pasi kemi mbetur tek aparanca. Duhet të shmangim çdo tentativë të vullnetshme apo të pavullnetshme për të personalizuar apo partizuar raportet e pazëvendësueshme Shqipëri- Kosovë”, tha Meta.