Kushti i SHBA për të mbështetur “Open Balkan”, Rama: Nuk mund të bindim më askënd

I dërguari i SHBA-së për Ballkanin Gabriel Escobar deklaroi gjatë takimit online në kuadër të “Open Balkan” se nisma do të ketë sukses vetëm nëse të gjitha vendet, pra 6 shtetet e rajonit do të bëhen pjesë.

“Mbështetja për “Open Balkan” do të bëhet në bazë të tre kushteve që nisma të jetë hapur për të gjithë për anëtarësim të barabartë dhe jo shpërqendrim nga aspiratat evropiane. Pa të 6-ta vendet nuk mund të ketë sukses” deklaroi ai.

Kryeministri Edi Rama, i cili nuk ishte i pranishëm fizikisht, u shpreh se nisma do të vazhdojë edhe pa pjesëmarrjen e të gjitha vendeve, pasi nuk mund t’i bindin.

LEXO EDHE  A do t’i bashkohet Kuvendit të Sali Berishës? Ja si përgjigjet Myslim Murrizi

“Nuk varet nga ne të bindim dikë që “Open Balkan” është i hapur. Duhet të ecim përpara, nuk mund të presim. Varet nga gjithkush që të marrë vendimet e veta. Ne thjeshtë po zbatojmë procesin e Berlinit. Gjithkush të vendosë në mënyrë të pavarur cfarëdo do për vendin e vet. Falenderoj vërtetë gjithkënd dhe në veçanti Eskobarin” tha ai.