E tmerrshme/ Hap kamerën e sigurisë dhe sheh bashkëshorten që dhunonte brutalisht fëmijët

Një 32-vjeçar nga Leskovci i Serbisë, mbeti i shtangur kur një muaj më parë pa filmimet nga kamerat e sigurisë të vendosura në shtëpinë e tij, ku gruaja e tij 29-vjeçare, rreh brutalisht djalin e tyre 4-vjeçar dhe vajzën 6-vjeçare.

Në pamjet e siguruara nga policia serbe, shihet qartë sesi gruaja fillimisht i bërtet vogëlushit e më pas fillon ta shqelmojë e grushtojë – duke e goditur në kokë dhe e përplas për muri.

Sikur kjo të mos mjaftonte, ajo më pas i vërsulet vajzës të cilën vazhdimisht e fyen me fjalët më të rënda.

LEXO EDHE  Ashpërsohen rregullat për udhëtim drejt SHBA-ve

Megjithatë nuk dihet nëse “terrori” mbi fëmijët përfundon aty, pasi gruaja largohet nga dhoma. Ajo çfarë tmerroi më shumë opinionin, ishte se gjithçka ndodhi vetëm pse fëmijët i kishin prishur gjumin të ëmës.

Mediat në Serbi raportojnë se gjykata ka filluar procesin gjyqësor ndaj gruas së dhunshme, kur fëmijët kanë mbetur me babanë me urdhër të gjykatës.