Çuçi: S’do të ketë kampe refugjatesh në Shqipëri për interesa të vendeve të tjera

Ministri i Brendshëm, Bledi Çuçi ka sqaruar se në Shqipëri nuk do të ketë kampe refugjatësh për interesa të vendeve të tjera.

Deklaratën, ministri e bëri pas përfundimit të mbledhjes së qeverisë. Sipas Çuçit, në marrëveshjen me Britaninë e Madhe ka një përcaktim që kur emigrantë të palëve të treta kalojnë në Shqipëri, janë të detyruar vendet e origjinës që të përgjigjen për ta.

“Besoj se është bërë shumë e qartë. Nuk do të ketë kampe refugjatësh për interesa të vendeve të tjera në Shqipëri. Është thënë qartë nga Kryeministri, nga ministrja e Jashtme dhe ministri i Brendshëm. Është një përcaktim që edhe kur kalojnë tranzit nuk qëndrojnë në Shqipëri, por janë të detyruar vendet e origjinës që të përgjigjen për ata emigrantë dhe ata azil kërkues”, tha ministri në përgjigje të interesimit nga gazetarët.

LEXO EDHE  Sot "Foltorja" e Bilishtit

Deklaratat e ministrit vijnë pas lajmeve në mediat britanike dhe debateve në Komisionin Parlamentar të Sigurisë se në Shqipëri mund të ndërtohet një kamp për refugjatët.