VIDEO/ Përfshihet nga flakët apartamenti në Tiranë

Një apartament në zonën e Alliasit në kryeqytet është përfshirë nga flakët mëngjesin e kësaj të Marte. Nga flakët ka dëme materiale, por nuk raportohet për të lënduar.

Autoritetet kanë bërë evakuimin e banorëve, ndërkohë që zjarrfikësit po punojnë për shuarjen e flakëve.

“Rreth orës 07:58 në Allias, në vendin e quajtur ‘Te Katrori’, ka rënë zjarr në katin e katërt të një pallati, ku ka vetëm dëme materiale. Shërbimet e Policisë bënë evakuimin e menjëhershëm të banorëve të pallatit. Në vendngjarje ndodhen forcat zjarrfikëse të cilat po punojnë për fikjen e zjarrit. Vijon puna nga Grupi Hetimor për zbardhjen e rrethanave të ngjarjes dhe përcaktimin e shkakut të rënies së zjarrit”, njoftoi policia.