U denoncua e zhdukur, gjendet 17-vjeçarja. Policia: E strehoi një 24-vjeçar që kreu marrëdhënie me të

Një 17-vjeçare e denoncuar e zhdukur nga familjarët para 1 muaji, është gjetur, konfirmoi këtë të Hënë policia e Durrësit.

Burime zyrtare bënë me dije se ajo ishte strehuar në një banesë me qira në zonën e plazhit, ku u gjet dhe lëndë narkotike.  Banesa ishte marrë me qira nga një 24-vjeçar që përveç akuzave për drogë, akuzohet dhe se ka kryer marrëdhënie intime me vajzën e mitur.

“Gjatë kontrollit të ushtruar në zonën e plazhit, në një banesë të marrë me qira nga shtetasi Sh.F., 24 vjeç, banues në Durrës, shërbimet e Policisë kanë gjetur të strehuar 17-vjeçaren që ishte larguar nga banesa. Po gjatë kontrollit në këtë banesë, shërbimet e Policisë kanë gjetur dhe sekuestruar rreth 400 gramë lëndë narkotike cannabis sativa, të cilën ky shtetas e shiste me doza në zonën e plazhit në Durrës. Nga veprimet e para hetimore dyshohet se ky shtetas ka kryer marrëdhënie seksuale me 17-vjeçaren”, njoftoi policia.

LEXO EDHE  Vr*tet para palestrës boksieri i njohur! Emri

“Në përfundim të veprimeve të para hetimore u bë arrestimi në flagrancë i 24-vjecarit Sh.F. dhe materialet i kaluan Prokurorisë, për veprime të mëtejshme”, shtuan të njëjtat burime.